Гостивар
Туристички водич за Гостивар, градот кој секогаш има гости
Посетителите и туристите кои доаѓаат во Гостивар отсега ќе може да добијат повеќе информации за градот, знаменитостите, културното наследство, препознатливата храна, некои манифестации и слично преку туристички водич, кој денес беше промовиран пред гостиварци. Автор на водичот, кој е на четири јазици (македонски, албански, турски и англиски) е археологот Даниел Ѓорѓевски.
„Туристичкиот водич е резултат на моја подолготрајна работа во културата, пред се‘ културното наследство, како археолог. Дојдовме до заклучок дека има недостиг на таков продукт во Гостивар и се изработи туристичкиот водич. Ги опфаќа сите културно-историски знаменитости, од подалечното, но и од поблиското минато:тука се Беговата куќа , локалитетите во Равен, Ѓоновица, Горна Бањица, Чајле од доцната антика и средниот век, опфатена е Саат кулата со детални описи, потоа староградскиот стил на градење во Вруток, Симница. Има информации за културно-уметнички друштва, а опфатени се и модерните карактеристики на градот, затоа што Гостивар не е само традиционален, туку е и културно современ град.“, кажа Ѓорѓевски.
Водичот е дел од проектот „Платформа за културни односи: Културата и традициите во Гостивар“ на здружението Полог-Гостивар, во рамки на Регионалната програма за локална демократија на Западен Балкан 2, ReLOaD 2 финансирана од ЕУ, а спроведена од УНДП во соработка со гостиварската општина.
„Задоволство е замене како претставник на општината, што за прв пат во Гостивар имаме таков туристички водич, и Гостивар да влезе на туристичката мапа на нашата држава. Се надевам дека ова е само почеток на иницијативата за промоција на градот. Ваквите активности секогаш ќе ја имаат поддршката на општината“, рече на промоцијата, претседателот на Советот на Гостивар, Ваљбон Лимани.
Како што информираше авторот, туристичкиот водич ќе биде достапен во општината, низ училиштата и во други јавни установи и институции, а се планира да има и онлајн издание.
-
Гостиварпред 2 месеци
Курсна листа на НБРМ и приватните менувачници во Гостивар
-
Македонијапред 1 месец
Денеска е Летник
-
Македонијапред 3 месеци
Србите го слават Свети Сава – Национален празник на српската заедница во земјава
-
Македонијапред 1 месец
Денес е Прочка – Проштевајте и побарајте прошка од оној на кој сте му згрешиле
-
Гостиварпред 2 месеци
Објавен повик за невработени-По 6.000 евра грант за да си отворат бизнис
-
Вестипред 2 месеци
Историјат на Осми март – Празник посветен на правата на жените
-
Што, како, каде?!пред 3 месеци
ШОУ: Легендарните „Солза и Смеа“ доаѓаат во Гостивар
-
Видео емисиипред 3 месеци
Емисија „МИНУТИ ЗА СЕКОГО“ – Гостин: д-р Агим Јакупи | НАТАЛИТЕТ И ЖЕНСКО ЗДРАВЈЕ