Ученици од економско Гостивар во улога на адвокати и судии

Во средното економско училиште во Гостивар денес се организираше импровизирано судско рочиште, каде улогите на адвокати и судии ги имаа учениците. Несекојдневниот настан го проследи и делагација од Општина Гостивар предводена од градоначалникот Арбен Таравари.

„Денеска го посетив СЕОУ „Гостивар“, едно од училиштата во кое неодамна се инвестираше, и тоа: внатрешно бојадисување на училниците и ходниците, поставени се нови скали, уреден нов кабинет во насока право, обезбедени компјутери и смарт-табли. Во оваа прилика, задоволство беше да се присуствува на импровизираното судско рочиште кое учениците го одржаа во новиот кабинет, на иницијатива на нивната професорка Шемсије Демири. Посакувам овие создадени услови да влијаат на подобрување на квалитетот на знаењето на учениците од ова училиште.“, истакна градоначалникот.

Директорот на училиштето Михајло Ѓиноски се заблагодари за финансиската поддршка од страна на општината за реализација на зафати за подобрување на условите за настава, нагласувајќи дека ваквиот вид практична настава е многу важна во усовршување на учениците. „Убеден сум дека овој кабинет-судница ќе им биде од корист на нашите ученици и дек аод овде ќе произлезат многу правници, адвокати, судии, нотари и сл“, рече Ѓиноски.