Вести
Учениците од економското училиште како „Млади репортери за животната средина„
Еко одборот на средното економско училиште во Гостивар е вклучен во програмата „Млади репортери за животната средина“ која се спроведува во рамки на проектот „Интеграција на еколошката едукација во македонскиот образовен систем“. Во склоп на програмата, беше објавен конкурс за најдобра новинарска сторија, фотографија и видео на кој младите економисти од Гостивар се пријавија со своја тема. Во изработката на статијата учествуваа ученичките: Марија Петроска, Емилија Србиноска и Емилија Данилоска под менторство на професорката Рада Илиевска. Во знак на поддршка на учениците и училишниот Еко одбор, Гостиварпрес ја објавува нивната сторија со фотографија. Прочитајте што средношколците имаат да ви порачаат во однос на користењето на автомобилите и загадувањето на воздухот.
„Со велосипед до поздрава средина“
Живееме во време во кое младите мислат дека возењето со автомобили и мотори е многу по “cool” отколку возењето велосипеди.
Автомобилите и моторите преку отровните гасови кои ги испуштаат го загадуваат воздухот и влијаат врз здравјето на луѓето. Според податоците од Заводот за статистика, заклучно со декември 2016 година во Гостивар и околината се регистрирани 24.600 возила. Едно семејство поседува просечно по два автомобила, а скоро секое семејство за својата младина наместо здрав живот со велосипед, избира загаден воздух со мотор. Возењето автомобил овозможува брзо и лесно стигнување до посакуваното место, но истовремено врши и огромно загадување на воздухот. Зошто сето ова да не се измени и користењето на велосипед во Гостивар да стане секојдневие? Со тоа се обезбедува поздрава околина и се зголемува физичката активност кај луѓето, а посебно кај младата популација.
Затоа предлагаме еден ден во неделата да биде ,,ден на велосипедите“ (пр. сабота) и сите ние наместо со автомобил да ги извршуваме своите обврски со велосипеди. Така гостиварци ќе дишат почист воздух и ќе развиваат позитивни еколошки навики.
-
Гостиварпред 2 месеци
Курсна листа на НБРМ и приватните менувачници во Гостивар
-
Македонијапред 2 месеци
Денеска е Летник
-
Македонијапред 3 месеци
Србите го слават Свети Сава – Национален празник на српската заедница во земјава
-
Македонијапред 1 месец
Денес е Прочка – Проштевајте и побарајте прошка од оној на кој сте му згрешиле
-
Гостиварпред 2 месеци
Објавен повик за невработени-По 6.000 евра грант за да си отворат бизнис
-
Што, како, каде?!пред 3 месеци
ШОУ: Легендарните „Солза и Смеа“ доаѓаат во Гостивар
-
Вестипред 2 месеци
Историјат на Осми март – Празник посветен на правата на жените
-
Видео емисиипред 3 месеци
Емисија „МИНУТИ ЗА СЕКОГО“ – Гостин: д-р Агим Јакупи | НАТАЛИТЕТ И ЖЕНСКО ЗДРАВЈЕ