ВМРО ДПМНЕ Гостивар со активност по повод Светскиот ден на срцето

Унијата на жени на ВМРО ДПМНЕ во Гостивар, во соработка со Општинскиот комитет и Унијата на млади сили го одбележа Светскиот ден на срцето, 29 Септември со активност на градскиот плоштад. На посебен штанд, медицинари  на граѓаните бесплатно им вршеа мерење на крвен притисок и шеќер во крвта, при тоа споделувајќи совети за превенција од кардиоваскуларни заболувања.

„Организираме активност по повод Светскиот ден на срцето, со цел да ги потсетиме и да ги мотивираме да се грижат за сопственото здравје, да внимаваат, да делуваат превентивно за да ги намалат ризиците од срцеви заболувања. Ковид пандемијата некако предизвика да заборавиме на важноста на превенцијата, редовните лекарски контроли што треба секој да ги практикува. На штандот мериме крвен притисок и шеќер во крвта, зборуваме со граѓаните за нивната здравствена состојба и им даваме стручни совети. ВМРО ДПМНЕ како партија секојдневно е присутна меѓу граѓаните, а не само кога се избори, сметаме дека тоа е важно, затоа и организираме ваков тип на настани“, рече претседателката на УЖ на ВМРО ДПМНЕ во Гостивар, Анета Ќироска, која по професија е лекар.

Во рамки на активноста на минувачите има беа поделени и летоци со едукативно-мотивирачка содржина, совети за добро здравје со пораки: Ветете дека ќе јадете здраво и пиете разумно, дека ќе бидете поактивни физички, дека ќе кажете НЕ на пушењето.