Во Маврово денес хронометар велосипедска трка

Во Маврово денеска се одржува втората хронометар велосипедска трка Halk Velo Green. Натпреварувачите, професионални велосипедисти и оние кои со овој спорт се занимаваат рекреативно, ќе возат рута долга 22 километри од Хотел Спорт до Леуново и назад.

На потегот Леуново – Маврово, ќе биде воведен посебен сообраќаен режим, односно од 10 до 16 часот нема да се одвива сообраќај во двете насоки, за да се овозможи непречено и безбедно движење на учесниците во трката.

Велосипедска што ја  организација на Халкбанк АД Скопје, освен спортски има и хуманитарен карактер бидејќи сите средства собрани од котизацијата ќе се искористат за засадување нови дрвја.

Покрај трката, сите посетители и учесници ќе можат да се релаксираат и забавуваат со добра музика и здрави оброци. За децата – посетители и учесници има детско катче каде најмалите ќе бидат анимирани и забавувани од страна на нивните омилени цртани ликови.