Гостиварската полиција фати лице кое провалувало и крадело во болница, катастар и други установи во Гостивар

СВР Тетово утрово соопшти дека расчисти шест тешки кражби во Гостивар и го откри и приведе крадецот. Осомничен дека ги извршил кражбите е 25-годишниот А.О. од долнореканското село Видуше.

Во текот на минатиот и овој месец А.О. со употреба на сила и со користење на штрафцигери и други алатки ги провалил вратите и прозорците на неколку гостиварски јавни установи (Болница, Катастар и други) и по влегувањето во нивната внатрешност, претежно одземал оставени парични средства во фиоки, каси и на други места, извести полицијата. Дваесет и петгодишниот видушанец приведен е во Полициската станица Гостивар и по целосното документирање на овој случај, ќе му биде изготвен соодветен поднесок по член 236 од Кривичниот законик , а поради основи на сомнение дека сторил кривично дело “тешка кражба”.