Гостивар

Во земјава нови 15 позитивни случаи, 45 оздравени, еден починат

Објавено

пред 4 години

на

02/05/2020

Од

Gostivarpress.mk

Денеска Институтот за јавно здравје регистрира 45 оздравени пациенти во: Скопје-19, Куманово-25, Прилеп-1.

Министертсвото за здравство соопшти дека во изминатите 24 часа направени се 199 тестирања, а потврдени се 15 нови случаи на ковид-19 и тоа во: Скопје-2, Куманово-7, Прилеп-4, Тетово-1, Струга-1.

Регионот на Гостивар останува без промени, односно со 17 официјално потврдени случаи до сега, од кои 7 оздравени, 2 починати.

На Клиниката за инфективни болести починал еден пациент, 61 годишен од Струга, со повеќе коморбидитети и тешка форма на болеста, хоспитализиран од 24 април, а испишани се 8. На оваа клиника денеска за прв пат од почетокот на епидемијата, во 24 часа, нема прием на нови пациенти, позитивни или сомнителни на ковид-19. Во моментов се хоспитализирани 39 пациенти, од нив 20 потешко болни и на кислородна поддршка и 1 критично болен пациент на механичка вентилација, извести МЗ.

Вкупната бројка на ковид дијагностицирани во нашата земја изнесува 1506, бројката на оздравени пациенти е 852 , на починати е 82, а во моментов бројот на активни случаи во земјата изнесува 572.

Сподели ја веста:

Поврзани теми:коронавирус