Завршува самоизолацијата, администрацијата на гостиварски Комуналец се враќа на работа

Административната служба на гостиварското Јавно претпријатие „Комуналец“ од утре продолжува со редовна работа. Сите вработени во администрацијата пред две недели беа пратени дома во самоизолација, откако беше потврден Ковид 19 кај една од вработените. Со тестирања беа откриени уште 3 позитивни, а резултатите на останатите се негативни и тие од утре се враќаат на работните места.

„Од „Комуналец“ вкупно беа заразени 4 вработени. Од нив, едната со семејството контролно ќе се тестира денеска, додека другите три во среда. Останатите од утре се враќаат на работните места, затоа што поминаа 14 дена во самоизолација, немаат симптоми и тестовите се негативни. Ги презедовме превентивно мерките коишто ги препорачаа компетентните институции, да бидат во самоизолација две недели, тој период истекува и безбедно е да се вратат на работа“, појасни градоначалникот Арбен Таравари.