Гостивар
Започнаа уписите на полуматурантите во Гостивар
Денес и утре (16 и 17 јуни) се спроведува првиот уписен рок во средните училишта. Уписите започнаа утрово од 7 часот и ќе траат до 19 часот, а истиот термин ќе важи и за утрешниот ден. Со најновите информации на МОН кои пристигнаа во текот на денот по емитување на објавата, уписниот рок се продолжува за два дена. Средните училишта, (освен оние во кои бројот на пријавени ученици е помал од предвидениот) ќе вршат уписи на 18 јуни во истиот термин од 7 до 19 часот и на 19 јуни во периодот од 7 до 13 часот.
Според конкурсот објавен од Министерството за образование, во средните училишта во Гостивар за учебната 2020/2021 отворени се вкупно 1.938 слободни места за упис во прва година.
Најмногу места се предвидени во средното техничко училиште, вкупно 748. Во медицинското училиште, отворени се 272 места, во средното економско 442, додека во гостиварската гимназија 476.
Годинава поради пандемијата на Ковид 19, запишувањето се одвива под посебен протокол за заштита.
Протоколот предвидува вработените во училиштето задолжително да користат заштитна опрема, маски и ракавици, влезот се организира од една страна, а излез од друга, страна, влез само на ученикот, не и на неговиот родител, во посебен случај доколку ученикот е спречен од оправдани причини се овозможува влез само на еден родител/старател, кој при влез во училиштето треба да носи заштитна маска, марама или шал со кои ќе бидат покриени устата и носот, пред влезот во училиштето, внатре во училиштето, во просториите каде се врши запишување и на излез од училиштето мора да има средства за дезинфекција итн.
-
Гостиварпред 3 месеци
Курсна листа на НБРМ и приватните менувачници во Гостивар
-
Македонијапред 2 месеци
Денеска е Летник
-
Македонијапред 2 месеци
Денес е Прочка – Проштевајте и побарајте прошка од оној на кој сте му згрешиле
-
Гостиварпред 3 месеци
Објавен повик за невработени-По 6.000 евра грант за да си отворат бизнис
-
Видео емисиипред 3 месеци
Емисија „МИНУТИ ЗА СЕКОГО“ – Гости: Живка Ѓурчиновска и Г‘зиме Фејзи | ЖЕНИТЕ ОД РУРАЛНИ СРЕДИНИ
-
Вестипред 2 месеци
Историјат на Осми март – Празник посветен на правата на жените
-
Македонијапред 3 месеци
Најнова одлука: Од утре промената на возачките, сообраќајните и патните листови ќе бидат без надоместок
-
Гостиварпред 2 месеци
Гостиварско архиерејско намесништво: Распоред на дежурни свештеници за Задушница