Вести
„Вешта жена“ во Гостивар – ремек дела од храна и забава за гостиварки
Синоќа во Гостивар се одржа шестото издание на манифестацијата Вешта жена, настан кој ги собира припадничките на понежниот пол на едно место, да покажат што знаат и умеат со храната, да се дружат и забавуваат.
Шестата по ред Вешта жена во Гостивар имаше и толку натпреварувачки, шест, кои подеднакво се потрудија да ги освојат симпатиите на жирито и гостите со креативни трпези. Титулата Вешта жена на Гостивар за 2018-та ја понесе Емилија Србиноска за трпезата насловена „Титаник“. Ова е втора победа на манифестацијата за младата гостиварка.
Емилија ќе го претставува Гостивар на републичкиот натпревар во Лешок, заедно со Лулјета Адеми чија трпеза „Циганско мало“ беше избрана како автентична.
Покрај нив, синоќа своите кулинарски вештини и имагинација за декорирање ги претставија и: Билјана Дејаноска, Сашка Секулоска (прва награда од публика), Ана Синадиноска и Моника Ѓорѓевиќ.
„Идејата за Вешта жена потекна од фактот дека без оглед на меѓусебните разлики, готвењето на храна и грижата за домот е нешто заедничко за сите жени. Горди сме што на манифестацијата веќе почнаа да учествуваат и жени со оштетен вид, жени со инвалидитет.“, рече на отворањето на настанот, претседателката на здружението, Снежана Стојановска-Жана.
Организаторките на манифестацијата во Гостивар, Даниела Мицоска и Мирјана Србиноска рекоа дека се презадоволни од натпреварувачките и интересот на гостиварски да бидат дел од настанот.
-
Гостиварпред 3 месеци
Курсна листа на НБРМ и приватните менувачници во Гостивар
-
Македонијапред 2 месеци
Денеска е Летник
-
Македонијапред 2 месеци
Денес е Прочка – Проштевајте и побарајте прошка од оној на кој сте му згрешиле
-
Гостиварпред 2 месеци
Објавен повик за невработени-По 6.000 евра грант за да си отворат бизнис
-
Видео емисиипред 3 месеци
Емисија „МИНУТИ ЗА СЕКОГО“ – Гостин: д-р Агим Јакупи | НАТАЛИТЕТ И ЖЕНСКО ЗДРАВЈЕ
-
Вестипред 2 месеци
Историјат на Осми март – Празник посветен на правата на жените
-
Видео емисиипред 2 месеци
Емисија „МИНУТИ ЗА СЕКОГО“ – Гости: Живка Ѓурчиновска и Г‘зиме Фејзи | ЖЕНИТЕ ОД РУРАЛНИ СРЕДИНИ
-
Што, како, каде?!пред 3 месеци
Гаражна распродажба во РАМСТОР: Огромни попусти до 70% на шопинг до 11ти Февруари!