129 нови корона позитивни од 591 тест – оздравени 1.122 лица

Во новиот извештај на Институтот за јавно здравје за последното деноноќие, во земјава евидентирани се 129 новозаразени со коронавирус, од вкупно 591 тест.

Најголемиот дел се од Скопје 63, Прилеп 14, Кавадарци 12, Тетово 7, додека регионот на Гостивар е со два нови потврдени случаи.

Како што наведува ИЈЗ, починати се 22 лица, од кои 9 од подрачје на Прилеп, 3 од Скопје, 2 од Струга, и по еден од Куманово, Дебар, Штип, Велес, Битола, Гевгелија, Кичево и Делчево.

Како оздравени евидентирани се 1.122 пациенти, од кои 43 од Гостивар.

Според податоците од Министерството за здравство, во изминатите 24 часа во ковид центрите во болниците низ земјава се лекуваат 700 пациенти позитивни и суспектни. Во ковид одделенијата во Гостивар хоспитализирани се 54 пациенти.