Гостивар
Приватните стоматолози најавуваат протест под мото „Стоматологијата на респиратор“
Здружението на приватни стоматолози и доктори по дентална медицина најавува протест, во знак на незадоволство од неизнаоѓање конечно решение за последиците кои ги трпи оваа фела од ковид кризата.
„Во изминатиот период ЗПЗСУ ПДДМ иницираше средби за подобрување на неподносливата ситуација на стоматолозите и оствари почеток на преговори, но не резултираа со завршница. Иако здружението пред 4 месеци побара динамиката на преговори да продолжи, до ден денес останавме без повратен одговор од министерот за здравство. Земајќи го предвид фактот што во изминатиот период се случи покачување на приходите од страна на ФЗО на име „капитација“ за здравствените установи во мрежата од општа стоматологија, а притоа не земајќи го предвид фактот што расходите четирикратно се зголемија, а паралелно поради ковид кризата се покачија и сите останати трошоци, стоматолошките здравствени установи не можат да ги исполнат законските услови од четвртиот пакет мерки за помош на владата и да земат финансиска помош.
Дополнителен факт е што во општа стоматологија преку 800 тимови се со помалку од 1.500 капитирани пациенти кои и до сега не беа во можност да ги покријат основните трошоци за да би исплатиле минимални плати по тим, а оваа година посебно во изминатите месеци, дополнително се влоши финансиската ситуација заради рестриктивниот режим на работа и отсуството на пациентите поради страв од корона инфекции. Следствено на тоа, намалените приходи од интервенции ги доведе овие приватни здравствени установи пред ситуација на затворање и банкрот.“, наведуваат од здружението.
Протестот ќе се одржи на 24 декември преку зум платформата под мотото „Стоматологијата на респиратор“.
Во прилог на протестот здружението доставува неколку барања до Владата, Министерството за здравство и Фондот за здравствено осигурување: финансиска помош во вид на субвенции кои ќе се исплаќаат, кај сите тимови кои имаат склучено договор со ФЗО, а имаат под 1.500 капитирани пациенти, ФЗО да им доисплати сума до 1.500 капитирани пациенти, кај установите кои работат надвор од мрежа да се исплатат минимални бруто плати за вработените, месечна финансиска помош за сите стоматолошки приватни здравствени установи за користење надстандардна заштитна опрема поради ковид пандемијата, промена на уредбата на Владата за утврдување на мрежа во општа стоматологија наместо 1.000 жители на еден тим – стоматолог и сестра, тоа да биде согласно Европскиот просек од 1.500 до 2.000 жители на еден тим и др.
-
Гостиварпред 2 месеци
Курсна листа на НБРМ и приватните менувачници во Гостивар
-
Македонијапред 2 месеци
Денеска е Летник
-
Македонијапред 3 месеци
Србите го слават Свети Сава – Национален празник на српската заедница во земјава
-
Македонијапред 2 месеци
Денес е Прочка – Проштевајте и побарајте прошка од оној на кој сте му згрешиле
-
Гостиварпред 2 месеци
Објавен повик за невработени-По 6.000 евра грант за да си отворат бизнис
-
Видео емисиипред 3 месеци
Емисија „МИНУТИ ЗА СЕКОГО“ – Гостин: д-р Агим Јакупи | НАТАЛИТЕТ И ЖЕНСКО ЗДРАВЈЕ
-
Вестипред 2 месеци
Историјат на Осми март – Празник посветен на правата на жените
-
Гостиварпред 3 месеци
Баба Нада со 90 години е најстар жител на Зубовце, денес пречека добри гости во домот