48 годишен гостиварец го загуби животот во несреќа што се случи попладнево во Гостивар

Секторот за внатрешни работи излезе со соопштение за несреќата, во која животот го загуби 48 годишен жител на Гостивар.

Денеска околу 13 часот, во Секторот за внатрешни работи Тетово пријавено е дека на улица „Илинденска“, во близина на поранешен „Жито Шар“, пред бензинска пумпа во Гостивар, од товарно возило „Мерцедес“ со гостиварски регистерски таблици, што го управувал 58-годишен гостиварец, при разминување со патничко возило со гостиварски регистерски таблици, управувано од 48-годишен жител на Гостивар, паднале метални шипки и го повредиле по главата, стои во соопштението на полицијата.

Повредениот, со возило на Брза помош пренесен е во гостиварската Општа болница „Ферид Мурад“, укажана му е лекарска помош, но набрзо им подлегнал на повредите, стои во соопштението на МВР.

Извршен е увид со учество на јавен обвинител, а во кој учествуваше и екипа од Полициската станица Гостивар. По наредба на јавниот обвинител ќе се врши обдукција.

Се преземат мерки и активности за целосно расчистување на случајот.