Продолжениот викенд носи гужви, зголемен сообраќај на патиштата надвор од градовите

Голем дел од граѓаните го користат продолжениот викенд да одморат и да отпатуваат подалеку од градскиот метеж или надвор од границите на земјава.

Според последните информации од Автомото Сојузот на Македонија, интензитетот на сообраќај на патните правци надвор од градските средини е зголемен. На ГП Табановце за излез од државата се чека околу еден час, а на ГП Делчево околу 30 минути. На останатите гранични премини од македонска страна, нема подолги задржувања за влез и излез од државата.

АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.