Православен празник Свети Атанасиј (зимски)

Православните христијани, денес 31 јануари го празнуваат Св. Атанасиј Велики.  Овој светец, верниците го чествуваат два пати во годината, на 15 мај како летен и на 31 јануари како зимски празник.

Свети Атанасиј, наречен Велики е роден во Александрија во 296 година. Од детство бил наклонет кон духовниот живот. Над 40 години бил Архиепископ на Александрија.  Во текот на своето делување, на неколку пати бил прогонуван од страна на римските императори. Едно период од својот живот минал во пустина заедно со свети Антониј Велики.

Денес слават именден: Атанас, Атанаска, Танас, Тане, Танаска, Насе, Насте. Во народот постои верување дека со настапувањето на празникот главните студови веќе се поминати и започнува затоплување на времето. Во народното верување, Св.Атанасиј е победник над силните студови и мразови.