Нов директор на „Паркинзи и зеленило“ во Гостивар

Смена на раководната позиција во Јавното претпријатие „Градски паркинг и зеленило“ во Гостивар. На директорското место седнува Џелал Луши. За смената информираше градоначалникот Арбен Таравари.

„Денеска се изврши примопредавање на функцијата директор, при што за нов директор е именуван Џелал Луши, правник и професионалец со истакнати раководни вештини. Убеден сум дека господинот Луши ќе биде на ниво на своите должности и во служба на граѓаните на Гостивар. Му се заблагодарив на досегашниот директор Сенад Асани за неговата прекрасна работа за граѓаните на Гостивар и му посакувам успех во натамошните работни задачи.“, напиша градоначалникот на фејсбук.

Асани беше поставен за директор во јуни минатата година. Претходно со претпријатието раководеше Беким Челебиу.