Екологија: Што поскоро Закон за репрогласување на НП Маврово

Министерката за животна средина и просторно планирање Каја Шукова одржа состанок со претставниците на ЈУ НП Маврово, Македонско еколошко друштво и Global Conservation на кој акцент беше ставен на она што треба да се преземе за што поскоро НП Маврово да добие Студија за ревалоризација и Закон за репрогсалување на Национален парк.

„За нас како Министерство од особено значење  е доброто функционирање на заштитата на подрачјата што сме ги прогласиле за заштитени во различни категории на заштита. Од таа причина секогаш сме отворени за поддршка онаму каде што е потребно“, стои во изјавата од Шукова.

Како што соопштија од Министерството, на средбата се дискутирало за следните чекори и за начините на кои може да се оствари соработката во правец што поскоро да се изработи Студијата за валоризација на НП Маврово, Законот за репрогласување на НП Маврово, како и Планот за  управување, што е основа за доброто функционирање на заштитеното подрачје.