Амбасадорот на Чешка во посета на Општина Гостивар

Амбасадорот на Чешка Јарослав Лудва денес беше во посета на Општина Гостивар и оствари средба со градоначалникот Арбен Таравари. Домаќинот и гостинот се сложија дека развиваат добра соработка и пријателството со Чешка е многу важно како докажан партнер на Северна Македонија во областа на европските интеграции и во многу други сфери од интерес на граѓаните на двете земји.

„На средбата со чешкиот амбасадор разговаравме за соработката помеѓу двете земји во однос на интеграциските процеси. Разговаравме за теми во донос на локалната власт и проблемите со кои се соочуваме во овие кризни моменти во нашата држава, владеењето на правото и борбата против корупцијата, уставните измени, како и за заеднички активности во иднина“, изјави градоначалникот.

Од гостиварката општина напоменуваат дека традиционално имаат одлични односи со земјите од Вишеградската група: Чешка, Словачка, Унгарија и Полска.