Општина Гостивар приреди ифтар за лица со посебни потреби

Вчеравечер во организација на Општина Гостивар на заеднички ифтар седнаа лицата со посебни потреби, нивните родители и претставници на организации и здруженија кои спроведуваат активности за поддршка и грижа на овие граѓани.

На ифтарот присуствуваа градоначалникот Арбен Таравари, претседателот на Советот Валбон Лимани, како и вработените во општинскиот Сектор за социјални дејности.

Градоначалникот Таравари рече дека општина Гостивар со организациите и здруженијата имаат одлична соработка и даваат вистински пример што треба да прави секој од нас во врска алтруизмот и почитта кон различностите. За нас како локална самоуправа лицата со посебни потреби и понатаму остануваат меѓу главните приоритети, нагласуваат од општината.

Во духот на заедништвото, мултиетничноста и мултиконфесионалноста кои Гостивар ги негува, граѓанските активисти од православна вероисповед на општинарите им подарија велигденски јајца.