Гостивар, Врапчиште, Кичево… Видео истражувачка сторија за родовата еднаквост и ЕУ интеграциите

Рурална Коалиција во соработка со локалните чинители во општините Кичево, Пласница, Кривогаштани, Прилеп, Гостивар и Врапчиште изготви видео истражувачка сторија како и едукативно видео, а се со цел да се доближи темата за ЕУ интергарциите и родовата еднаквост до локалното население најмногу преку приказ на реалната состојба на терен и работењето на различните чинители во заедницата на темата и нивните достигнувања.

„Низ сторијата говориме за работата на Комисиите за еднакви можности во урбаните и руралните општини, говориме за познавањето на темата родова еднаквост од страна на локалното население, говориме за нашите перспективи и гледишта како може да се унапреди родовата еднаквост во локалната заедница затоа што токму родовата еднаквост ќе биде еден од критериумите чие што исполнување ќе се бара при отворањето на секое поглавје или кластер на нашиот пат кон полноправно членство во Европската Унија. Токму зголемувањето на знаењето и познавањата на темата родова еднаквост и ЕУ интеграциите е целта на едукативното видео кое што, како и сторијата се достапни на Youtube каналот на Рурална Коалиција. Видео сторијата и едукативното видео се изработени во рамките на проектот „Со европско знаење за подобрена родова еднаквост во локалната заедница“ кој што се спроведува во општините: Кичево, Пласница, Прилеп, Кривогаштани, Гостивар и Врапчиште“, велат од Рурална Коалиција.

Видео сторија:

Едукативно видео:

Проектот „Со европско знаење за подобрена родова еднаквост во локалната заедница“ имплементиран од Рурална Коалиција е поддржан од Реактор – Истражување во акција и нивните партнери преку акцијата „Унапредување на родовата еднаквост во процесот на пристапување во ЕУ“. Акцијата е финансирана од Европската Унија и кофинансирана од Шведска.

И двата видео материјали се изработени со финансиска поддршка на Европската Унија, ко-финансирано од Шведска. Содржината е единствена одговорност на Рурална Коалиција и не ги одразува ставовите на Европската Унија или Шведска.

(комерцијална објава)