Гостивар
Гостивар домаќин на атрактивна Меѓународна изложба на кучиња со учесници од 25 земји
На локација близу мавровско Ново Село, вчера и денес се одржува традиционалната Меѓународна изложба на кучиња CACIB 2023. Настанот се организира секоја година на почетокот на август, и на едно место собира бројни љубители на кучињата, одгледувачи, кинолози од држави од цела Европа. Домаќин на изложбата е Кинолошкото друштво Скардус од Гостивар, од каде изразија особено задоволство за интересот и масовноста на случувањето.
„Ова е најбројната изложба што сме ја направиле до сега, со над 300 кучиња, а учесниците се дојдени од 25 европски држави. Меѓу нив и Норвешка, Финска, Данска, Полска, Словачка, од Украина имаме преку 30 ученици, потоа од Шпанија, Италија и целиот Балкан. Кучињата спаѓаат во 115 раси поделени во 10 групи, а имаме и 11-та група, односно кучиња од непризнати раси или раси во фаза на признавање. Расните групи се: овчарски кучиња, планински кучиња, териери, јазевичари, кучиња за влечење санки и сибирски кучиња, загари, птичари, апортери, кучиња за пратња и разонода (пудлици, пекинезери) и хртови.“, појасни претседателот на Кинолошкото друштво Скардус, Миле Алексоски, кој е и еден од судиите на изложбата.
Сопствениците со исклучителна посветеност ги подготвуваа своите кучиња за претставување пред судиите. Грижливо и внимателно им ги средуваа влакната, ги украсуваа фризурите, им ги повторуваа вежбите за држење на телото, скокање и слично. Секоја раса си бара посебен третман и има свои потреби, а во подготовките во одредени случаи беа вклучени и цели семејства.
Иако секое куче има специфика, белег и уникатност, како поголема атракција на изложбата може да се издвои перуанското голокожо куче и американското голокожо куче, кои се многу ретки раси, без ниту едно влакно на нив.
Инаку, Кинолошкото друштво Скардус од Гостивар постои од 1996 година и има 30-тина членови од градот и околината. Посветени се на кинологијата, унапредување на расните кучиња како и обука на деца за однесување со кучиња и развивање љубов кон животните.
-
Гостиварпред 3 месеци
Курсна листа на НБРМ и приватните менувачници во Гостивар
-
Македонијапред 2 месеци
Денеска е Летник
-
Македонијапред 2 месеци
Денес е Прочка – Проштевајте и побарајте прошка од оној на кој сте му згрешиле
-
Гостиварпред 2 месеци
Објавен повик за невработени-По 6.000 евра грант за да си отворат бизнис
-
Видео емисиипред 2 месеци
Емисија „МИНУТИ ЗА СЕКОГО“ – Гости: Живка Ѓурчиновска и Г‘зиме Фејзи | ЖЕНИТЕ ОД РУРАЛНИ СРЕДИНИ
-
Вестипред 2 месеци
Историјат на Осми март – Празник посветен на правата на жените
-
Што, како, каде?!пред 3 месеци
Гаражна распродажба во РАМСТОР: Огромни попусти до 70% на шопинг до 11ти Февруари!
-
Македонијапред 3 месеци
Најнова одлука: Од утре промената на возачките, сообраќајните и патните листови ќе бидат без надоместок