Тамара од Гостивар освои Гран При на музички фестивал во Белград

Гостиварката Тамара Грујеска триумфираше на Интернационалниот музички фестивал Angel Voice, што се одржа во Белград, Србија. Младата пејачка ја освои највисоката награда Гран При, како и првото место во својата категорија на Тин изведувачи.

На фестивалот учествуваа деца, тинејџери и млади од балканските земји и од други држави како: Италија, Молдавија, Шведска итн. Тие се натпреваруваа во неколку категории зависно возраста, а се претставуваа со песни во различни жанрови.

Тамара го воодушеви жирито и публиката со изведбата на „I Surrender” од Селин Дион.

Ова е најновиот успех на Грујеска на музичко поле. Како добитник на Гран При награда во историјата на фестивалот во Белград, сега се запишува двапати. Освен тоа има освојувано највисоки награди на Интернационални и домашни музички фестивали во Русија, во Нови Сад, Србија, во Струга, Прилеп, и др.

Тамара ја претставуваше Македонија на минатогодишното издание на детски Евросонг.