Во Гостивар 7 кандидати за градоначалник и 9 советнички листи

Во Општинската изборна комисија на Гостивар во предвидениот рок, доставени се седум кандидатури за градоначалник и девет советнички листи. Партиите ДУИ, ДПА, Алијанса за Албанците, БЕСА, Коалицијата НДП – Унитети, ВМРО-ДПМНЕ на изборите во Гостивар излегуваат со кандидати за градоначалник и со советничка листа. Социјалдемократската партија на Македонија поднела кандидатура само за градоначалник. Три политички партии настапуваат само со советнички листи и тоа: СДСМ, Демократската партија на Турците и  Движењето за национално единство на Турците само советничка листа.

Комисијата од утрово работи на разгледување на поднесената документација од партиите. „Имаме рок од 48 часа да донесеме решение или да дадеме забелешки до партиите за отстранување на недостатоци. Првично може да кажам дека главно е во ред, но можно е да се појават одредени технички пропусти кои претпоставувам дека партиите лесно ќе ги средат“, изјави претседателот на ОИК Гостивар, Мустафа Муслиу.