Распоред на свештеници за Задушница во Гостивар

Православната црква и верниците во сабота ја одбележуваат Задушница – ден посветен на молитва за покој на душите на починатите.

„Задушница е ден во православното христијанство посветен на молитва за душите на починатите, со цел нивното спасение и покој во задгробниот живот. Терминот „Задушница“ означува „за душата“ и подразбира принесување бескрвни жртви, како што се варена пченица и вино во одредени краишта – леб. Раздавањето храна и останувањето навечер на гробовите не се во согласност со православната традиција“.

Гостиварското архиерејско намесништво ги информира верниците за распоредот на свештените лица на вечните почивалишта во Гостивар.

„Дежурни свештеници во петок (21.02.2025) на старите градски гробишта ќе има од 10 до 14 часот, а на новите гробишта и најновата парцела во Млаки од 11 до 13 часот. Во сабота (22.02.2025) на старите гробишта свештеник ќе има од 7 до 10 часот, на новите гробишта во Млаки од 7 до 11 часот, а на најновата парцела од 11 до 12 часот“, соопштува Гостиварското архиерејско намесништво.