Силен ветар во гостиварскиот регион – лош ден за метеоропатите

Од синоќа во гостиварскиот регион започна да дува засилен ветар, со брзина од над 80 километри на час, кој продолжува и во утринските часови од саботниот ден. Попладне е најавено зголемување на облачноста и врнежи.

Управата за хидрометеоролошки работи излезе со биометео прогноза која не носи пријатни вести за оние што се чувствителни на временските прилики. Според УХМР, во пладневните часови се очекува честа појава на главоболка, болки во колената и грбот. Како што одминува денот, метеоропатите може да се соочат со општа слабост, а кај некои да се јави чувство на тежина во главата. Во веречните часови поизразени ќе бидат ревматските болки.