Вести
Турскиот вицепремиер Чавушоглу во Гостивар на свеченост во ОУ„Мустафа Ќемал Ататурк“
Во основното училиште „Мустафа Ќемал Ататурк“ во Гостивар беше организирана свеченост по повод Денот на наставата на турски јазик, 21 декември. Настанот беше искористен за официјална промоција на реновираниот училишен објект, зафат тежок околу милион евра, финансиран од Владата на Република Турција и Турската агенција ТИКА.
На свеченоста присуствуваше вицепремиерот на Турција, Хакан Чавушоглу кој учествуваше и во симболичното пресекување на црвената лента. Дел од турската делегација беа градоначалници од 25 општини од Турција. На манифестацијата беше присутна и Амбасадорката на Турција во Македонија, Тулин Еркал Кара и државниот министер, Аднан Ќахил.
„Не постои некоја поголема свеченост за еден град од таква кога се отвора реновирано училиште. Благодарни сме на ТИКА и на турската Влада за финансирањето на овој голем проект во Гостивар“, рече во своето обраќање градоначалникот Арбен Таравари.
Директорот на училиштето Октај Нуредин на гостите од Турција, министерот Ќахил и на градоначалникот им додели плакети, а вицепремиерот Чавушоглу доби и слика со симболот на градот, Саат кулата.
Манифестацијата ја разубавија учениците со пригодна програма, рецитации, игра и песни.
Целосно реновираниот објект на ОУ „Мустафа Ќемал Ататурк“, кој го направи училиштето едно од најдобро уредените во земјава и регионот, беше пуштен во употреба во второто полугодие од минатата учебната година.
-
Гостиварпред 2 месеци
Курсна листа на НБРМ и приватните менувачници во Гостивар
-
Македонијапред 2 месеци
Денеска е Летник
-
Македонијапред 3 месеци
Србите го слават Свети Сава – Национален празник на српската заедница во земјава
-
Македонијапред 2 месеци
Денес е Прочка – Проштевајте и побарајте прошка од оној на кој сте му згрешиле
-
Гостиварпред 2 месеци
Објавен повик за невработени-По 6.000 евра грант за да си отворат бизнис
-
Видео емисиипред 3 месеци
Емисија „МИНУТИ ЗА СЕКОГО“ – Гостин: д-р Агим Јакупи | НАТАЛИТЕТ И ЖЕНСКО ЗДРАВЈЕ
-
Вестипред 2 месеци
Историјат на Осми март – Празник посветен на правата на жените
-
Гостиварпред 3 месеци
Баба Нада со 90 години е најстар жител на Зубовце, денес пречека добри гости во домот