Откриени девојки од Албанија нелегално ангажирани во локал покрај автопатот Гостивар-Тетово

Полициска станица Гостивар, вчеравечер помеѓу 23 и 2 часот по полноќ, спровела акциска контрола во угостителски објект лоциран покрај автопатот Гостивар-Тетово, во близина  на Неготинската клучка, сопственост на 48-годишен жител на Неготино-Полошко.

Како што соопшти Секторот за внатрешни работи, во објектот биле затекнати девет женски лица, од кои шест албански државјанки и тру од нашата земја, кои биле ангажирани како пејачки и танчерки.

Шестте албански државјанки на возраст од 19 до 39 години, поради злоупотреба на туристичкиот престој, односно престојување спротивно на целта и непријавено работење, најпрво биле приведени и задржани во Полициската станица Гостивар, по биле предадени на Отсекот за прекуграничен криминал, миграции, странци и реадмисија за натамошна постапка.