ДЕМАНТ од општина Гостивар: ДЗС не ги ажурира податоците, не е точно дека немало дозволи за градба во јануари

По објавувањето на веста дека во Гостивар во јануари не била издадена ниту една дозвола за градба, за која податоците се земени од Државниот завод за статистика, реагираше Секторот за урбанизам на општина Гостивар. Во соопштението се вели:

„Од Секторот за урбанизам при Општина Гостивар, ја демантираат веста дека во јануари годинава 2018 не е издадена ниту една дозвола за градба, наведувајќи дека најверојатно се работи за небрежност и неажурирање на податоците од страна на Државниот завод за статистика. Од Општина Гостивар ќе излезат со точни податоци за издадени градежни дозволи по месеци во понеделник. Општината воедно ги демантира шпекулациите дека има блокада во областа на градењето во Гостивар, потенцирајќи дека намалениот интензитет на градење е само резултат на воведувањето ред.“