Вести
ЈКП Маврово поставува Еко магацини за електронски и електричен отпад
На територијата на општина Маврово и Ростуше започна проект за собирање на отпадна електрична и електронска опрема. Јавното комунално претпријатие „Маврово“ веќе постави два Еко магацини, кои се наменети за отпад како стари телевизори, фрижидери, машини за перење и слично. Целта на проектот е намалување на цврстиот отпад за собирање и депонирање како и намалување на трошоците на претпријатието.
„Увидовме дека во контејнерите за комунален смет граѓаните многу оставаат електронски и електричен отпад, па дојдовме на идеја да се обезбедат посебни места за таа намена. Моментално ваков вид на магацини се поставени на две локации: во дворот на нашето претпријатие и во дворот на општинската зграда во Ростуше. Во училиштата пак, се поставени посебни корпи за собирање на отпад од помала опрема како телефони, таблети и слично.“, вели Александра Матеска, в.д директор на ЈПК Маврово потенцирајќи дека, доколку граѓаните не се во можност сами да ги носат апаратите до магацините, може да го известат претпријатието, кое ќе изврши транспорт.
Во текот на месец јули, кога поголемиот дел од печалбарите ќе бидат вратени во своите родни села, планирано е да се спроведе акција во која граѓаните ќе ги изнесат апаратите и опремата кои не им требаат, а екипи на претпријатието ќе го собираат отпадот од пред куќите.
Во септември ќе се организира едукација и активности преку кои учениците и жителите ќе се поттикнуваат да го селектираат електричниот и електронскиот отпад.
Проектот се спроведува во соработка со компанијата Елколект од Скопје и општина Маврово и Ростуше.
-
Гостиварпред 2 месеци
Курсна листа на НБРМ и приватните менувачници во Гостивар
-
Македонијапред 2 месеци
Денеска е Летник
-
Македонијапред 3 месеци
Србите го слават Свети Сава – Национален празник на српската заедница во земјава
-
Македонијапред 2 месеци
Денес е Прочка – Проштевајте и побарајте прошка од оној на кој сте му згрешиле
-
Гостиварпред 2 месеци
Објавен повик за невработени-По 6.000 евра грант за да си отворат бизнис
-
Видео емисиипред 3 месеци
Емисија „МИНУТИ ЗА СЕКОГО“ – Гостин: д-р Агим Јакупи | НАТАЛИТЕТ И ЖЕНСКО ЗДРАВЈЕ
-
Вестипред 2 месеци
Историјат на Осми март – Празник посветен на правата на жените
-
Гостиварпред 3 месеци
Баба Нада со 90 години е најстар жител на Зубовце, денес пречека добри гости во домот