Апстиненцијата од социјалните мрежи го намалува стресот

Социјалните мрежи менуваат многу аспекти од нашиот живот, а научниците само дознаваат како тоа влијае на сите нас.

Неодамнешниот скандал на Фејсбук со Кембриџ Аналитика направи многу корисници одново да ја преиспитаат улогата на Фејсбук во нивните животи. Поради загриженоста во врска со приватноста, многумина ги избришаа своите фејсбук профили, што исто така се одрази и на цената на акциите на најпопуларната социјална мрежа.

За целите на експериментот биле анализирани 138 активни корисници на Фејсбук. Учесниците биле поделени во две групи. Едната група не користела Фејсбук за 7 дена, додека другата користела активно секој ден.

После поминатите 7 дена во испитување, научниците ја измериле концентрацијата на хормонот кортизол и перцепираното ниво на стрес и среќа. На секој испитаник му биле поставувани и низа прашања поврзани со нивното расположение, животно задоволство и осаменоста.

Се покажало дека групата која не користела фејсбук во рок од 7 дена, имаат помало измерено ниво на кортизол во однос на оние од другата група.

Многу корисници во текот на испитувањето едвај чекале да се вратат на социјалната мрежа, бидејќи како што велат, чувствувале дека пропуштаат нешто важно.

“Не знаеме колку е потребно време за да се намали концентрацијата на кортизол или повторно да се подигне пред некој да одлучи да се врати на Фејсбук”

Со други зборови, можно е апстиненцијата од Фејсбук на неколку дена да го намали стресот, но како што времето поминува, лицето почнува да се чувствува дека нешто пропушта, а нивото на кортизол повторно се зголемува “, објаснува авторот на студијата Ерик Ванман.

Ванман и неговите колеги велат дека овие ефекти не се присутни само при користење на фејсбук, туку важат и за други социјални мрежи воопшто, но нагласуваат дека е неопходна многу поголема студија.

Во соработка со enauka.mk