Култура
Гостивар подготвен за поетско уживање – „Литературни искри“ по петти пат
Подготовките за петтото издание на Меѓународниот поетски фестивал „Литературни искри“ во Гостивар, кое ќе се одржи во сабота, се при крај. Организаторите денес информираа дека манифестацијата ќе донесе квалитетни поетски имиња во Гостивар и ќе приреди уживање за љубителите на пишаниот збор.
„Подготовките кои траеа два месеци наназад, веќе се при крај и може да кажеме дека Гостивар ќе биде место на еден голем поетски настан што долго ќе се памети. Да потсетиме дека годинава на конкурсот се пријавија околу 100 автори, од кои жири комисијата ги избра 12-те финалисти кои ќе се претстават на фестивалот во сабота и кои влегоа во трка за наградите. Знаеме дека наградите се предизвик и се многу посакувани од сите финалисти, но сакам да потенцирам дека и самиот влез во финалето, поетите треба да го сфатат како огромен успех, со оглед на големата конкуренција и строгоста на жири комисијата во оценувањето“, рече Љупка Антеска, координатор на фестивалот.
„Литературни искри“ го организираат Центарот за култура АСНОМ од Гостивар и културното здружение Дунек.
„Во оваа прилика ги покануваме сите љубители на пишаниот збор да дојдат и заедно да уживаме на фестивалот, во сабота во малата сала на Центарот за култура, со почеток во 12 часот“, рече Вјолца Бафтиу Зулбеари од НУЦК АСНОМ.
Поетскиот фестивал се одржува во чест на 24 мај, Денот на сесловенските просветители, Светите Кирил и Методиј. Оваа година финансиски е поддржан од општина Гостивар и спонзори.
Gostivarpress.mk е медиумски партнер на манифестацијата.
-
Гостиварпред 2 месеци
Курсна листа на НБРМ и приватните менувачници во Гостивар
-
Македонијапред 2 месеци
Денеска е Летник
-
Македонијапред 3 месеци
Србите го слават Свети Сава – Национален празник на српската заедница во земјава
-
Македонијапред 1 месец
Денес е Прочка – Проштевајте и побарајте прошка од оној на кој сте му згрешиле
-
Гостиварпред 2 месеци
Објавен повик за невработени-По 6.000 евра грант за да си отворат бизнис
-
Вестипред 2 месеци
Историјат на Осми март – Празник посветен на правата на жените
-
Видео емисиипред 3 месеци
Емисија „МИНУТИ ЗА СЕКОГО“ – Гостин: д-р Агим Јакупи | НАТАЛИТЕТ И ЖЕНСКО ЗДРАВЈЕ
-
Гостиварпред 3 месеци
Баба Нада со 90 години е најстар жител на Зубовце, денес пречека добри гости во домот