Верувате ли во баксузот на Петок 13?

Стравот од Петок 13 не е рационален, но е многу раширен меѓу луѓето. Стручно, стравот од Петок 13-ти се нарекува параскеводекатриафобија.

Може ли да помине година без Петок 13?. Истражување од „National Geographic“ открива дека е невозможно целосно да се прескокне. Датум 13 во ден петок, ќе се погоди барем еднаш во календарската година.

Од кога потекнува фамата околу Петок 13?. Постојат повеќе верзии: почнувајќи од тоа дека Ева во рајот го измамила Адам со јаболкото токму во петок, дека Исус Христос бил распнат во петок. За „несреќниот“ број 13 се врзува и верувањето дека токму толку луѓе биле на Тајната вечера. Како најубедливо верување, историчарите го посочуваат настанот што се случил на 13 октомври, петок, 1307 година, кога францускиот крал Филип Четврти наредил да се уапсат и погубат водачот на темпларскиот ред Жак де Молеј и шеесетина негови најблиски приврзаници.

Античките Персијци не ја сакале тринаесетката затоа што верувале дека дванаесет соѕвездија на Зодијакот владеат со Земјата по илјада години наизменично, но кога ќе се заврши циклусот (во тринаесеттиот милениум), хаос ќе завладее со светот.

Комбинацијата на бројот 13 и денот петок се смета за симбол на несреќа и баксуз насекаде во светот. Многу аеродроми немаат писти, излези или седишта во авионите со бројот 13. Во болници нема собра бр.13, а во Фиренца на пример, куќите кои се наоѓаат меѓу броевите 12 и 14 се означени со 12,5.

Прв за стравовите од овој ден пишувал Томас Лосон, во делото Петок 13 издадено 1907 година. Истата година кога била објавена книгата, брод кој го носел името на авторот се нашол во сред олуја и потонал токму на ден, петок 13.