БМВ излетало од улица, удрило во бетонски столб и бандера и се превртело – гостиварец завршил во болница

Не престануваат сообраќајните несреќи низ гостиварските улици. Синоќа 2 часа и 40 минути по полноќ регистрирана е нова.

Според информациите од полицијата, на улица „Седек Костовски“ во Гостивар, патничко возило „БМВ Х 5“ со гостиварски регистерски таблици, што го управувал 23-годишниот  Х.А. од Лакавица, загубило контрола, излетало од коловоз, удрило во бетонски електричен столб и дрвена бандера, по што се превртело на покрив.

По излетувањето и превртувањето, сопатникот во возилото Е.Ф. на возраст од 23 години од Гостивар бил пренесен во гостиварската општа болница „Ферид Мурад“ за укажување на лекарска помош.

Се утврдува причината за сообраќајната несреќа и другите поединости, соопшти СВР Тетово.