Како да направите разлика помеѓу оригинални парфеми и нивни копии

На пазарот се повеќе се појавуваат копии на оригиналните парфеми, кои ги мамат потрошувачите. Еве како да ги препознаете.

Не сме воопшто свесни какви последици можат да ни направат лажните парфеми. Освен што се чувствуваме изиграни, а со самото тоа и бесни, може да ни создадат разни алергии, главоболки и слично.

Ви прикажуваме неколку трикови, со чија помош можете да проверите дали купувате оригинален или лажен парфем.

Автентичните парфеми имаат фолија, којашто рамномерно и прецизно е завиткана околу парфемот. Под бар кодот, се наоѓа втиснат број, кој служи за идентификација. Вистинското пакување е направено од квалитетен картон, кој служи за да го заштити стакленото шише, од било какво оштетување. Исто така, познатите брендови не користат многу боја во нивните продукти. Тоа значи дека бојата на оригиналните парфеми никогаш не е јака, туку најчесто е многу бледа. Хемикалиите кај неоригиналните парфеми  ја прават нивната боја доста појака и можете токму по тоа да ги препознаете.