КК Гостивар денеска гостува во Градски парк

Во последното коло од првиот дел на сезоната, воедно и последниот натпревар во оваа календарска година КК Гостивар, му гостува на шампионот КК Работнички.

Петнаесеткратниот шампион, оваа сезона најави дека ќе атакува на одбрана на титулата и е еден од главните фаворити за шампионскиот пехар. Во досегашниот дел од првенството имаат скор од 8 победи и еден пораз, се наоѓаат на втората позиција со натпревар помалку.

Гостиварци се сеуште во шок после неочекуваниот пораз од Охрид на домашен терен, во минатото коло. Единствен лек за поразот би била победа денеска против шампионот во Скопје. Во последните пет меѓусебни дуели КК Гостивар нема победа против Работнички. КК Гостивар се наоѓа на четвртото место на табелата со 6 победи и 3 порази, има 15 бодови исто колку и Фени индустри и Куманово.

Натпреварот во Градски парк, се игра од 17 часот.