ПИСМА: Читателка од Зубовце потресена од грозоморен чин на убиство на нејзиното куче

Милена Димитрова Герасимоска од селото Зубовце испрати порака до Gostivarpress.mk преку која сака јавно да ја изрази својата згрозеност, потресеност и страв од убиството на куче, кое таа со семејството го чувале како свој миленик девет години. Читателката нагласува дека кучето не било агресивно, не напаѓало, а завршило мртво со прострелна рана, по што било врзано, влечено со автомобил и фрлено.

„Нашето куче Ламуш ни беше домашно милениче веќе 9 години, член на семејството и верен пријател на мојата петгодишна ќеркичка. Тоа што се случи е нешто страшно. Кучето е украдено од нашиот двор, доцна после полноќ и бездушно на немилосрден начин му е одземен животот со пукање со пиштол, за потоа да биде врзано со автомобил, влечено и фрлено во полето. Зошто некој би направил нешто толку сурово. Кога некој го напаѓа миленикот, го напаѓа и сопственикот. Дали јас сега треба да се плашам за себе и за моето дете? Да го сфатам ова како некоја закана? Апелирам до сите надлежни инстиуции, да го пронајдат и санкционираат сторителот на ваквиот чин на немилосрдно убиство и измачување на миленичето“, реагира Марина.

Во својата порака таа пишува дека кучето и претходно во два наврати било напаѓано и повредувано.