Јапонците се несреќни заради 10 споени неработни денови

Додека во нашата земја, едвај се чека продолжен викенд и спојување со празници, во Јапонија скоро половина од вработените се чувствуваат мизерно, заради десетте споени неработни денови, кои ќе ги имаат во чест на доаѓањето на новиот цар.

Во Јапонија неработни ќе бидат деновите од 27 април до 6 мај, кога ќе се случуваат церемониите по повод абдицирањето на царот Акихито, и преземање на престолот на неговиот најстар син Нарухито.

Оваа вест ги вознемери зависниците од работа, работниците кои добиваат плата од сработен час, како и родителите во услужниот сектор (за кои не важат неработните денови), бидејќи не можат да ги остават децата во градинките.

Резултатите од анкетите покажале дека 45% од Јапонците се чувствуваат несреќно заради овој 10 дневен одмор и го сметаат за тежина. Просечен Јапонец користи само 10 слободни дена од годишниот одмор, иако им следуваат по 20.

Околу 60% од Јапонците се чувствуваат виновно кога користат платен годишен одмор.

Неодамна во Јапонија беше усвоен закон со кој се ограничува работното време, поради зголемениот број на смртни случаи последица на прекувремена работа, или како што ја нарекуваат Јапонците „кароши“