Одземени возачки дозволи во Гостивар поради возење под дејство на алкохол

Иако управувањето на возило под дејство на алкохол е една од водечките причини за предизвикување сообраќајни несреќи со фатални последици, кај дел од возачите се` уште нема одговорност и совесност и тие седнуваат зад волан во алкохолизирана состојба. Последната акциска контрола за откривње на возачи кои упрaвуваат возила под дејство на алкохол, спроведена на тетовско-гостиварското го потврдува тоа.

Според податоците од СВР Тетово, констатирано било дека 20 возачи управувале возило под дејство на алкохол и тоа 12 во Тетово и 8 во Гостивар. Тие биле исклучени од сообраќај, привремено им се одземени возачките дозволи и им биле издадени мандатни платни налози. Казните се движат од 200 до 400 евра во денарска противвредност, а паралелно со нив оди и заштитна мерка одземање на возачка дозвола во период од три до 12 месеци.

Во текот на контролата биле констатирани уште 26 останати прекршоци, (Тетово-16 и Гостивар-10) за кои се издадени исто толку соодветни поднесоци.