Малата сала на Центарот за култура во Гостивар ќе добие парно греење

Се подобруваат условите во малата сала на Центарот за култура АСНОМ во Гостивар. Оваа зима, просторијата во која се одржуваат разни културни манифестации и изложби, конечно ќе биде затоплена како што треба за пријатна атмосфера на оние што настапуваат и за публиката. Деновиве започна поставувањето на централно парно греење во салата. Проектот се реализира со финансиски средства од Министерството за култура на Република Македонија.

-Затоплувањето на малата сала претставуваше проблем со кој се соочувавме секоја зима, години наназад. Затоа конкуриравме со проект, Министерството не` поддржа и веруваме дека отсега се обезбедени одлични услови за настаните што се организираат во оваа просторија, велат од гостиварскиот Центар за култура.

Според најавите новото централно греење ќе биде пуштено во употреба за една недела.

Паралелно периодов се работи и на поставување на дополнително парно греење во градската библиотека.