Швајцарија, Сингапур и Канада се ТОП 3 земји во светот за живот

Според листата што ја објави HSBC за 2019-та година, најдобри земји за живеење се: Швајцарија, Сингапур и Канада.

Швајцарија за една година, скокна од осмо на прво место, а победичката позиција и ја обезбедија високиот животен стандард, конкурентните плати, стабилната политичка и економска состојба. Годишната просечна плата се движи над 110 илјади долари, што е значително повеќе од просекот на глобално ниво, кој се врти околу 75 илјади долари. Испитувањата покажале дека над 82% од луѓето кои се преселиле во Швајцарија поради работа, имаат подобар животен стандард во споредба со земјата од кадешто дошле, а над 40% од нив го подобриле психичкото здравје.

Сингапур, кој се наоѓа на второ место на листата, пак е најдобрата земја за подигнување на семејство. Над 60% од испитаниците одговориле дека образовниот систем е на високо ниво и дека на децата им се пружат многу можности за учење и напредок.