Гостивар
Конференција во Гостивар: Како до работно место за Ромите и Ромките?
Создавање услови за преквалификација на Ромите, мерки за дооформување на образованието, воведување на квоти за Роми во активните мерки за вработување, олеснувања за компаниите кои ќе вработат Роми. Ова се дел од препораките коишто произлегоа од анализата во рамки на проектот „Подобрување на вклученоста на Роми во пазарот на труд со акцент на жената Ромка“, што невладината Месечина го спроведуваше изминатите осум месеци на подрачјето на Гостивар.
Активностите, резултатите и препораките денес беа презентирани на завршна конференција.
„Кога зборуваме за работа и Роми, дозволете да потенцирам дека за жал нема добри показатели со кои заедницата на Роми може да се пофали и да очекува брз развој. Од 1991 година до денес, процентот на невработеност на Роми споредено со припадниците на другите етнички заедници во Република Северна Македонија, не е помал од 70%. Ова само по себе кажува дека економски најслаба е заедницата на Роми. За споредба пак со корисниците на парична социјална помош, процентот на Роми е најголем.“, нагласи Мухамед Точи, од ХДЗР Месечина.
Во финансирање на проектот учествува и Општина Гостивар.
„За нас како локална власт ваквите проекти се посебно важни, затоа што знаеме дека вклученоста на Ромите во институциите на системот е многу. Ние се залагаме за што поголема вклучненост и ќе ги поддржиме сите активности кои водат кон такви цели“, изјави градоначалникот Арбен Таравари.
Во склоп на проектот биле спроведени обуки за ромската популација со цел стекнување на вештини за вработување, за фризерки, административни работници, медицински сестри и друго.
„Со обуките беа опфатени 40 Роми и Ромки и тоа е навистина позитивен резултат, затоа што тие ги подобрија своите квалификации со што се зголемуваат нивните шанси да се вработат. Исто така, дел од практикантите кои преку проектот ги ангажиравме останаа во работен однос во фирмите“, рече Шпреса Бајрами, координатор.
Проектот е дел од Регионалната програма за локална демократија во Западен Балкан, финансирана од ЕУ, спроведувана од УНДП.
-
Гостиварпред 3 месеци
Курсна листа на НБРМ и приватните менувачници во Гостивар
-
Македонијапред 2 месеци
Денеска е Летник
-
Македонијапред 2 месеци
Денес е Прочка – Проштевајте и побарајте прошка од оној на кој сте му згрешиле
-
Гостиварпред 3 месеци
Објавен повик за невработени-По 6.000 евра грант за да си отворат бизнис
-
Видео емисиипред 3 месеци
Емисија „МИНУТИ ЗА СЕКОГО“ – Гости: Живка Ѓурчиновска и Г‘зиме Фејзи | ЖЕНИТЕ ОД РУРАЛНИ СРЕДИНИ
-
Вестипред 2 месеци
Историјат на Осми март – Празник посветен на правата на жените
-
Македонијапред 3 месеци
Најнова одлука: Од утре промената на возачките, сообраќајните и патните листови ќе бидат без надоместок
-
Гостиварпред 2 месеци
Гостиварско архиерејско намесништво: Распоред на дежурни свештеници за Задушница