Семејно насилство во Здуње: Снаа `и се заканувала на свекрвата по живот

Зачестија случаите на семејно насилство на гостиварското подрачје. Последниот настан е регистриран ноќеска околу 3 часот и 30 минути, а го пријавила 56 годишна жена од селото Здуње.

Во пријавата таа навела дека нејзиниот 31-годишен син и неговата сопруга ја искршиле вратата од куќата и `и се заканувале по живот. Според нејзиното кажување, тие дошле од странство, каде престојувале и побарале да им ја отвори вратата за да влезат внатре. Таа одбила да го направи тоа и тогаш синот ја скршил вратата. Откако влегле, снаата, со која подолго време имале нарушени односи и се заканувала по животот.

По пријавувањето, синот и снаата, биле однесени во Полициската станица било разговарано со нив по што биле пуштени. Од полицијата соопштуваат дека се работи на целосно расчистување на поединостите, по што ќе следува соодветна пријава. Мајката, поради заканите кои се повторувале, побарала кривичен прогон.

Ова е трет случај на семејно насилство во поширокиот гостиварски регион во изминатите десетина дена.