Лајт цигарите го зголемуваат ризикот од појава на рак на белите дробови

Таканаречените „лајт“ цигари се опасни по здравјето како и обичните цигари и веројатно допринеле за зголемената појава еден вид на рак, покажала една нова студија.

Истражувачите од пет центри за истражување на ракот во САД заклучиле дека „лајт“ цигарите, кои имаат филтери со отвори  за вентилација, довеле до тоа, во последните 50 години да се зголеми бројот на заболени од аденокарцином – форма на рак која се развива длабоко во белите дробови.

Оваа форма на рак сега е најзастапена кај пушачите. Во истиот период, бројот на заболени од други форми на рака на белите дробови се намалил, со намалувањето на бројот на пушачите.

Резултатите од овие анализи го потврдуват она што истражувачите веќе со години се сомневат, дека спротивно на тврдењата на тутунската индустрија, „лајт“ цигарите не се помалку штетни.

Цигарите со филтри со мали отвори се пуштени во продажба пред 50 години и се промовирани како поздрава опција со „ниско ниво на катран“.

„Тоа е направено за да се привлечат пушачите. Нашите анализи покажуваат дека постои јасна поврзаност помеѓу тие вентилациски отвори на филтрите и зголемената појава на аденокацином на белите дробови во последните 20 години. – вели доктор Питер Шилдс од Држаниот Универзитет во Охајо, САД, еден од водачите на истражувањето што е објавено во списанието на Националниот институт за рак.

Посебно загрижувачки е тоа што филтрите со такви отвори се наоѓаат практично на сите цигари што денес се продваат, додава тој.

Научниците сметаат дека токму филтрите се најопасни.

„Филтерот го менува согорувањето на тутунот кој произведува повеќе канцерогени материи, а пушачите пушат подолго и почесто, што овозможуава димот да продре до најдлабоките делови на белите дробови каде обично се формира аденокарциномот“– истакнува Шиллдс. Тој се залага за целосна забрана на овие филтри и информирање на пушачите за  опасноста од пушење на „лајт“ цигарите, за која не се ни свесни.

Во соработка со Е наука