Гостивар
Совет Гостивар: Усвоени извештаи за буџет, пари за спорт, одлуки за легализација…
Општина Гостивар бележи рекордни показатели на реализација на буџетот за 2019-та година, а ваквиот тренд продолжува и во првите месеци од оваа година, потенцираа од Секторот за финансии и буџет на денешната седница на општинскиот Совет. На седницата се разгледуваа и усвоија неколку точки врзани со буџетските прашања: кварталниот извештај за извршување на буџетот на Општината и годишната сметка за лани, како и прераспределба на средствата во Буџетот за 2020 година.
„Минатата година била најуспешна во историјата на Општина Гостивар во однос на реализација на буџетот. Јас 27 години давам образложение на буџетот и никогаш не сме имале таква реализација. Ако ги земеме приходите и расходите тоа е 98,2% реализација, но ако го пресметаме и салдото од 40 милиони денари за пренос во 2020-та, стигнува до 102,1% реализација.“, објасни Садри Елези, раководител на Секторот за финансии.
Во своето обраќање пред Советот градоначалникот Арбен Таравари, нагласи дека позитивните резултати најдобро се гледаат во растот на капиталните инвестиции и падот на трошоците.
Во однос на наплатата на даноци беше речено дека има напредок, а буџетарите се надеваат дека граѓаните и фирмите ќе си ги исполнат данчните обврски кон општината.
На денешната седница на Советот на Општина Гостивар беа усвоени одлуки за доделување финансиски средства за спорт. Првично на дневен ред беа поддршката за ФК „Генч Калемлер“ од Долна Бањица, ФК „Трабзонспор“ од Горна Бањица и Карате клубот „Асиарт“. На предлог на советничката група на СДСМ, се додаде одлука за поддршка на ФК „Пролетер“ од Тумчевиште, а на предлот на Алијанса за Албанците, за РК „Јехона“.
Исто така, беа донесени и повеќе одлуки кои опфаќаат легализација на бесправно изградени објекти и други прашања од урбанизмот.
-
Гостиварпред 2 месеци
Курсна листа на НБРМ и приватните менувачници во Гостивар
-
Македонијапред 2 месеци
Денеска е Летник
-
Македонијапред 3 месеци
Србите го слават Свети Сава – Национален празник на српската заедница во земјава
-
Македонијапред 1 месец
Денес е Прочка – Проштевајте и побарајте прошка од оној на кој сте му згрешиле
-
Гостиварпред 2 месеци
Објавен повик за невработени-По 6.000 евра грант за да си отворат бизнис
-
Вестипред 2 месеци
Историјат на Осми март – Празник посветен на правата на жените
-
Видео емисиипред 3 месеци
Емисија „МИНУТИ ЗА СЕКОГО“ – Гостин: д-р Агим Јакупи | НАТАЛИТЕТ И ЖЕНСКО ЗДРАВЈЕ
-
Гостиварпред 3 месеци
Баба Нада со 90 години е најстар жител на Зубовце, денес пречека добри гости во домот