#Седидома: Три предлог филмови за викенд – Три хорор приказни (+16)

Некои филмови се вечни, а такви стануваат поради различни причини, ви предлагаме три филмски остварувања, секој со свои морничави сцени. Со цел да „украдете“ неколку часа додека седите дома, почитувајќи ги препораките, а и малку да ве раздрмаме. За овој викенд ви предлагаме три хорор приказни.

„The others“ – напната и фасцинантна сторија врзана со духови. Дејството се одвива во периодот пред крајот на Втората светска војна. Младата Грејс (Никол Кидман) со своите две деца се вселува во огромна куќа, во исчекување сопругот да се врати од воениот фронт. Овој филм не е класичен хорор, повеќе е психолошки, но ги побудува скриените стравови во секој од нас.

„Child’s Play“ – ја донесува приказната за најморбидната кукла на светот Чаки. Самохрана мајка (Кетрин Хикс) на својот син за роденден му подарува кукла, но подарокот се претвора во кошмар. Куклата е опседната со духот на сериски убиец. Филмот имаше неколку продолженија и римејк, но оригиналниот останува најзапаметен кај публиката.

„The ring“ – филм од кој сигурно повеќепати ќе ве полазат морници додека го гледате. Новинарка (Наоми Вотс) треба да истражи мистерија врзана со видеолента, која причинува луѓето што ќе ја изгледаат да умрат.