#Седидома: Три мајстори, три ремек дела во музичката уметност

Додека сте дома да ви предложиме три бесценети парчиња музика создадени од најдобрите. Музика која ќе ви го опушти телото, ќе ви ги надразни сите сетила и ќе ви го нахрани умот.

Лудвиг ван Бетовен – симфонија бр. 7,  2-ор став

Прв предлог, прекрасниот втор став од седмата симфонија на Бетовен. Симфонијата е создадена во текот на престојот на Бетовен во Теплице, од есента 1811-та до Јуни 1812-та година (прочуена е бетовеновата средба со Гете во тоа време, кога Гете го нарекува “сосема нескротлива личност“). Симфонијата премиерно е изведена во Виена во Декември 1812-та година. Напишана е во 4 става, а во целина трае околу 40 минути.

Ви ја нудиме изведбата на берлинската филхармонија, под диригенската палка на големиот Херберт вон Карајан.

Дмитри Шостакович – валцер бр.2

Светски популарниот валцер број 2 на Шостакович, напишан е во 1938 година како дел од композицијата Свита за Цез Оркестар бр.2 за тогаш создадениот државен џез оркестар, за прв пат изведен ноември истата година во Москва.

Овој пат ви нудиме несекојдневна изведба на оркестарот на познатиот Андре Риу.

Џорџ Гершвин – Рапсодија во сино

Една од најубавите композиции на еден од најславните американски музичари и композитори. Напишана е во 1924 година за соло пијано и оркестар. Уживајте во изведбата на пијанистот Адриан Брендал со придружба на симфонискиот оркестар на Кралската Музичка Академија, под диригенство на Едвард Гарднер.