Охриѓанец по потекло од Гостивар донираше заштитни средства за гостиварската болница

Во период на коронакриза кога на здравствените установи им се најпотребни заштитни средства за медицинскиот персонал, хумани луѓе и фирми секојдневно се вклучуваат со свои донации.

Охриѓанец по потекло од Гостивар обезбеди пакети со заштитни маски и средства за дезинфекција за гостиварската општа болница. Божидар Гегоски донираше 2.000 парчиња заштитни маски и дезинфекциски гелови, коишто се распределуваат за медицинските тимови во болничките одделенија.

„Сакаме да упатиме огромна благодарност до Божидар, ова е дело за должна почит“, велат од болницата.