На подрачјето на Гостивар 90 граѓани се во изолација со решенија или со потпишана изјава

Според информациите од Секторот за внатрешни работи Тетово во текот на изминатото деноноќие  за периодот (23/24.04) во Гостивар не биле евидентирани прекршувања на полицискиот час. Во Тетово евидентирано е дека две  малолетни лица, не ја почитувале забраната за движење и во присуство на нивните родители тие биле лишени од слобода.

СВР соопшти дека од страна на полициските службеници, изминатото деноноќие во гостиварскиот регион извршени се контроли кај 13 лица во изолација со решение од Државен санитарен и здравствен инспекторат и кај 77 лица во самоизолација со потпишана изјава. Прекршувања не се регистрирани.

Според новите правила, самоизолацијата стана задолжителна и за сите лица кои се тестирани и чекаат резултат.