Дали жените се подобри возачи од мажите?

Жените се подобри возачи од мажите, а судејќи по бројот на тешки сообраќајни несреќи, се дури двапати подобри, пишува Њујорк Тајмс.

Британските научници користеле владини податоци за 14.425 сообраќајни несреќи со смртен исход во периодот помеѓу 2005-та и 2015-та година. Во тој број се вклучени само несреќи кои вклучувале повеќе од едно возило. Без да припишуваат вина на било кој од возачите, тие вклучиле број на загинати поврзани со возачи на автомобили, комбиња, камиони, моторцикли, автобуси и велосипеди.

Студијата што ја објавиле во списанието “Injury Prevention“ открила дека во големите несреќи најчесто учествувале автобуси и камиони, а дека моторциклите биле двојно поопасни за другите учесници во сообраќајот од автомобилите. Возачите на велосипеди биле во најмал број несреќи кои вклучувале и други уцесници во сообраќајот.

Ако ги споредиме со жените, машките возачи имале двојно повеќе фатални сообраќајни несреќи. Моторциклистите имале дури 12 пати повеќе несреќи од моторциклистките. Кај возачите на автобуси и велосипеди немало разлика.

“Интересно е дека во оваа студија го разгледавме нивото на ризик кое возачот го претставува за другите учесници во сообраќајот, а тоа е аспект кој многу ретко се размотрува“ – заклучува Рејчел Алдред од Универзитетот Вестминстер во Лондон.