Гостивар
Во Гостивар сезонава регистрирани над 1.500 заболени од грип, во земјава 33.171
Во сезоната 2019/2020, вкупниот број на заболени од грип и заболувања слични на грип во Македонија изнесува 33.171. Податокот е објавен во завршниот извештај за состојбата со грипот на Институтот за јавно здравје.
Во него се наведува дека споредено со истиот период од минатата сезона постои зголемување на вкупниот број на пријавени случаи за околу 54 %, а во однос на моделот за последните 9 сезони се регистрира намалување од 29 %.
Најголем број на заболени лица биле регистрирани во скопскиот регион -6.084, по кој следуваат струмичкиот – 3.210 и велешкиот 2.822. Од табелата може да се забележи дека на гостиварското подрачје биле евидентирани над 1.500 пациенти со грип.
Според Институтот за јавно здравје, во текот на сезоната 2019/20, регистрирани се вкупно 3 смртни случаи асоцирани со грип.
„Се работи за лица на различна возраст – од 14-85 години од Скопје, Кочани и Пробиштип кои биле хоспитализирани на различни клиники во УКЦ Мајка Тереза во Скопје. Кај сите починати лица утврдено е присуство на коморбидитети и ниту еден од нив не бил вакциниран со вакцина против сезонски грип. Кај трите лица, лабораториски е потврдена Influenza A/H1pdm.“, пишува во извештајот.
ИЈЗ анализира дека сезоната 2019/2020 се одликува со задоцнет старт и задоцнет пик на заболувањето, висока контагиозност на вирусот на грип, со голем број на пријавени случаи.
Предвременото нагло намалување на пријавувањето на случаи на грип, како и лабораториското тестирање корелира со почетокот на пандемијата на COVID-19, оценуваат од Институтот.
-
Гостиварпред 2 месеци
Курсна листа на НБРМ и приватните менувачници во Гостивар
-
Македонијапред 2 месеци
Денеска е Летник
-
Македонијапред 3 месеци
Србите го слават Свети Сава – Национален празник на српската заедница во земјава
-
Македонијапред 1 месец
Денес е Прочка – Проштевајте и побарајте прошка од оној на кој сте му згрешиле
-
Гостиварпред 2 месеци
Објавен повик за невработени-По 6.000 евра грант за да си отворат бизнис
-
Видео емисиипред 3 месеци
Емисија „МИНУТИ ЗА СЕКОГО“ – Гостин: д-р Агим Јакупи | НАТАЛИТЕТ И ЖЕНСКО ЗДРАВЈЕ
-
Вестипред 2 месеци
Историјат на Осми март – Празник посветен на правата на жените
-
Гостиварпред 3 месеци
Баба Нада со 90 години е најстар жител на Зубовце, денес пречека добри гости во домот